مزح :
طائرة الدرونز حجارة"
_ الجمعة الماضية الدرونز كانت حديث البلد و الشرق الاوسط و العالم
و التساؤلات تمحورت حول اذا نزلت بالحجارة او انفجرت لحالا.
نحنا للصراحة شككنا و فكرنا الموضوع مزح بس لاء طلع جد و الحيش اللبناني اكد هالشي ببيانه
و طبعا مش راكبة فكرة دخول طائرة اسرائيلية مسيرة و تخترق سيادة لبنان و قرار 1701
هلق موضوعنا لا الطيارة و لا سيارة
لأن لهونا بطبول الحرب و الصفقات الجديدة و القرارات يلي بتاذينا و بتأذي ولادنا وبلدنا ماشية من تحتنا
و عالسكت اقروا 3 محارق ...سمعتوا فييهن؟؟؟
دير عمار ..بيروت .. و الجنوب
3 محارق ببلد صغير بتسيطر عليه سوء الادارة و نوعية نفاياته غير مناسبة للحرق
و على شفير الافلاس و عم يعاني من مستويات كبيرة من التلوث
يا عمي هيدي خارطة جديدة لادارة النفايات؟ او لتقضوا على الوطن و المواطن
و كمان ما عرفتوا انو سقطنا؟؟
ايه والله كنا متأملين نجيب ال A+ بيوم من الأيام و ننجح بس الحمدلله نحنا بس منتراجع
قامت وكالة فيتش بتخفيض تصنيف لبنان الى ال ccc من بعد ما كان b- اما وكالة موديز ابقت لبنان عند تصنيف ال c
بتعرفوا شو يعني هالحكي؟؟ يعني ارتفاع الفوائد على سندات الخزينة و لبنان بيصير بلد غير صالح للاستثمار و تصير سنداتنا غير قابلة للتداول خلاصة الخبرية انو رايح البلد للافلاس
يعني يا بدنا نشد الهمة لنطلع من هالشدة و الا رح نوصل لل z
فارحمونا من الحرب النفسية و الحرب الاقتصادية يلي معيشينا فيها
و ارحموا يلي بقيوا من اللبنانيين غير مصابين بالسرطان و بالأمراض
خلونا شي نهار نحس حالنا عنجد عايشين ببلد بيحترمنا
خلونا نجرب احساس الشعور العيشة بأمن و أمان بعيدا عن صفقاتكن
بتعرفوا شي؟؟ قرفتونا