هيدا الفيديو موجه الك انت يا مدير.. لأن أغلبكن مفكرين حالكن يبحرب مع الموظفين ومع team.. يا أيها المدير العظيم العكس صحيح تماما فانت بعلاقة شراكة، اتحاد وقوة بتوصلكن للأهداف الي عندكن ياهن بالشغل.. كرمال هيك لازم تكون عمتسمع كتير منيح أفكارن و تشوفو نقاط القوة اللي عندن ياها.. لأن ممكن تكون أفكارن أفضل بمليون مرة من أفكارك وممكن يكونو سبب النجاح و تطور الشغل وقصص النجاح اللي حضرتك بتحطون التقارير كل آخر شهر .. لازم تعرف شغلة اساسية انوا انت منك بمعركة لإثبات الذات ولا بتسلطك واستعمالك للقوة حتبين انت الأفضل.. بحياتا علاقة المدير مع الموظف اللي فيا استغلال للسلطة وتكسير من قدرات الموظف ما جابت انتاجية ولا جابت نجاح.. السر بنجاح أي عمل انو تعتبر انكن team واحد، روح وحدة.. لما تقّدر جهودن.. هيك انا بضمنلك مش حيكون الموظق عمبدور على شغل تاني هو وبالدوام عندك وحيكون عمبحط أقصى قدراتو لتنجحوا سوا..
الكاتبة والمستشارة Brigette Hyacinth ذكرت بمقال نشرتوا على LinkedIn انو بينضم الموظفين للشركات بس بيتركو المدراء وباستطلاع للرأي أجرته مؤسسة غالوب Gallup شارك فيه أكثر من مليون موظف أمريكي بين انو السبب الأول وراء ترك الناس وظائفهم هو مدير سيء أو رئيس مباشر. 75٪ من العمال الذين تركوا وظائفهم طوعيا عملو هيك بسبب رؤسائهم ومش المنصب بحد ذاته.
وبتقرير أصدرته “tiny pulse” بعد دراسة أجريت على 25000 موظف انو في 5 اسباب اساسية الموظف بيترك الشغل كرمالا:
1- سوء الادارة: الموظفين اللي بيوصفو اداء مديرن انو مش جيد هني بيفتشو على شغل جديد اربع مرات اكتر من غيرن
2- تحميل الموظف اكتر من طاقته: الاشخاص اللي ما عندن overload شغل احتمالية انو يبقوا اكتر ب 10 % من الاشخاص ال overloaded
3- البيئة اللي منا محفزة ومريحة: الاشخاص اللي مش مرتاحين ببيئة العمل احتمالية انو يفلوا اكتر ب24 % من الاشخاص الباقيين
4- ما في تقدير للموظف: 22 % من الموظفين اللي ما بيلاقو التقدير بيعملو مقابلة عمل جديد كل ثلاث اشهر على الاقل
5- ما في فرص تطور: الاشخاص اللي عندن فرص تطور بالشغل احتمالية انو يبقوا اكتر ب 20 % من الاشخاص اللي ما عندن هي الفرصة
يمكن كل هول من مسؤوليات المدير .. صح؟؟
على الرغم من مدى جودة الوظيفة، حيستقيل الأشخاص إذا كانت علاقتن بمديرن غير صحية. "الناس يتركون المدراء ومش الشركات.. في النهاية ، كثرة استقالة الموظقين هو بالأغلب مسألة مدير..