يعني من بعد ما طلب الرئيس القوي من اللبنانيين إنو يضحو بمكتسباتن بالفعل استجاب الوزير المبجل محمد شقير لمطلب فخامتو....
 
الوزير القوي ضحّى بمبلغ ٧٥ مليون دولار كرامة عين مبنى للتاتش واشترى البناية من نبيل كرم وربّح جميلة للشعب اللبناني إنو هوي الزلمي عم بوفر...
 
 
أيه طبعًا زلمي رأسمالي بزنس مان متل هالوزير الظاهرة أكيد عم بوفّر علينا، لك شال من دربنا ٧٥ مليون دولار ليشتري لكل واحد فينا هالمبنى بسوليدير...
 
يعني يا فخامة الرئيس نصايحك بششش إجو بمحلّن...
 
لأ ونبيل كرم المالك عم يتسمسم كان علينا، وعم بربحنا كمان جميلة انو نزّلنا السعر من٨٥ مليون ل٧٥ مليون دولار
 
لك يا جماعة هودي مين بيحكي فيهن بزمن العهد القوي الساكت الأبرز عن الحق....
 
نبيل كرم للي ما شفنا مكتب الجرائم المعلوماتية واقفتلو عباب بيتو لما قال عن النواب (فيديو).
 
 
على كل حال القصة ما خلصت هون لأن يبدو إنو الوزير المبذّر عم يتجه حاليًا لإخراج صفقة جديدة مشان تحديث غرفة التنصّت للي ممكن تكلف حوالي ال١٥ مليون دولار زيادة، 
 
وهيك منكون عم نضحي نحن كشعب بمكتسباتنا كرمى لعين الوزير القوي وكرمى لعيون فخامة رئيسنا القوي