إذا خايف عإيمانك من غنية
لازم تراجع إيمانك مش الغنية
مشروع ليلى يمكن يكون غلّط باسم الدين، بس الأكيد إنو حكامنا سفكونا باسم الدين وسرقونا باسم الدين ونشروا عرضنا باسم الدين...
وعبارة "إراقة الدماء" بفتكر انّا بتظبط اكتر على الفاسدين للي حكموا بعهود لبنان من سنة ال١٩ لهلاأ.
بالفعل مهزلة، ولك كيف يعني إراقة الدماء؟ ليش للي عم بصير كل يوم بالجبل وبالبقاع وبكل لبنان منو إراقة دم؟
إنو نحن بلد السلام والازدهار والوضع الاقتصادي المتفوق على غيرو من الدول ١٠ على ١٠
وما عنا لا أزمة كهربا ولا أزمة نفايات ولا أزمة تلوث بالبحر وبالبر وبالجو، ولا فساد إداري ولا إقطاع سياسي
ومتفضيين لنوقّف حفلة لفرقة مشان ما تنراق الدماء
وربي إذا الاجانب بيسمعو بللي صار ليردمونا من تاريخ البشرية
مشروع ليلى اذا بدكن تنعتو بالكفر لازم عالقليلة تكونوا مؤمنين، مش بس مؤمنين بدينكن، بل مؤمنين بوطنكن، وبشعبكن
يعني من الاخر ما تحاضرو بالعفة وانتو للعهر عنوان.