جبران باسيل العارض الأول لانجازات العهد شرف بعلبك الهرمل وزار شعبها المحروم وسمع صوتن المقسوم ووعدن انو يحارب الفساد والسموم...
لا والله وصلت يا ابن عمي، على كل حال اهلا وسهلا فيك
يعني اهل بعلبك للي بيفهمو بالاصول والعادات والتقاليد وللي حضرتك مش نايب عن منطقتن وعملو فيك هيك، يعني شو خليت لشعب لبنان العظيم... يعني والله العطيم العالم محموقة
يا صاحبي لك العالم قرفت وانت جايي عأرض لمقاومة توعد أكتر ما انوعدت
لك ما نحن عنا ناس بيوعدو عقدك ع خمسين مرة وكل الوعود بطتلع فالصو ومشاريع وهمية وخطط أمنية بس عالمعترين...
وجايي مفكر انو بكم كلمة بتقدر تاكل حلاوة براس اهل بعلبك؟ لك بعلبك يا صاحبي إلى ناسا وإلا مفاتيحا والى بوابا... ومنطقة بعلبك رجالا رجال... بيحسبو الف حساب للكلمة مش هيك بتزت كلمتين على مسمعن وبتمشي وبتفل.
يعني هالمسرح للي كنت عم بتصرح علاي كان بحاجة لمسرحية لانو صرلو فترة مسكر
فمنتشكرك عالمسرحية للي عملتا قدامنا ووقفت الكاميرات لانو يبدر مداخلات العالم بتخوف... لانو يا صديقي للي في مسلة تحت باطو بتنعرو....
فكيف اذا المسلة هلقد ضخمة...