أوضح مهاجم نادي الأنصار المنتقل حديثاً من نادي النجمة خالد تكه جي أسباب تركه للفريق النبيذي في منشور له على الفيسبوك، شاكراً الجمهور على تشجيعهم له.

وكشف تكه جي أنّ سبب رحيله يرجع إلى مشاكل مع بعض أفراد الإدارة في نادي النجمة الّذين أساؤوا التعامل معه على مرّ السنين، مؤكّداً أنّ الأمور وصلت لذروتها حينما اتّهموه بالكذب لدى إصابته في الموسم الماضي واتّهامه بعدم ارادته المشاركة في مباراة كبيرة.

وإليكم كامل المنشور :

"أول شي بدي وجه تحية لجمهور النجمة فرداً فرداً ل إلو فضل كتير عليي حتى ل عم يوجهلي انتقادات و حتى يلي اتفهمني و بدي اتشكرهم على تشجيعهم إلي على طول مسيرتي مع هالنادي ل بتشرف فيها و بتشرف ب كل شخص من هالجمهور.

بالنسبة للموضوع الأهم ، بدي وضح إنو بعض الأشخاص بالإدارة هي السبب الرئيسي بإنتقالي لخارج النادي ، على مر سنوات و هي أثبتت تعاملها السيء معي ، أهمها لما كذبوني وقت إصابتي السنة الماضية ، مروراً بإتهامي انو ما بدي العب مباراة كبيرة ، حتى الحرب النفسية ل كانت دائماً

مع التوضيح انو السنة الماضية وصلني عرض ضخم من نادي كبير ب لبنان و انا رفضت لأنو كنت بعتبر النادي هو بيتي الأول مش التاني.

يا ريت العالم تتفهم و تستوعب الموضوع و ما ينضحك عليها و تكون واعية و تعرف انو لقمة عيش عيلتي الي سنين عم بتحارب فيها علماً انو أخر سنة إلي بالنادي ما قبضت ولا ليرة غير معاشتي"