وجّهت الفنانة السورية رويدا عطية رسالة لاذعة إلى الممثلة نادين الراسي بعد تغريدتها حول موضوع النازحين السوريين في لبنان والتي أثارت جدلاً عبر مواقع التواصل الإجتماعي على الرغم من إعتذار نادين لاحقاً وتأكيدها بأنها قصدت الدواعش فقط.

وفي تعليق نشرته عبر حسابه الخاص على " فايسبوك " كتبت عطية: "عزيزتي نادين الراسي، بحب روحك الوطنية وبقدر جداً الشخص اللي قوميته كبيرة بس ما بحب حدا يقرب على جيشنا، تعي لأعطيكي نبذة عن تاريخنا وجغرافيتنا اللي حكيتي عنا، سوريا قبل ما ادعوه انو ثورة وسوريا ما بعد فشل الثورة قبل اعتقد معروفة تاريخيا وجغرافيا واقتصاديا ومي وكهربا اذا بتحبي، ورح إهديكي كتاب بيحكي عن هالبلد العظيم الشأن بداية من التلاميذ إلى أكبر عبقري حقق استحقاق لأجل هالبلد، نجي هلق على سنوات الأزمة، من التلاميذ إلى أكبر عبقري إلى أهم مفصل وهو الجيش العربي السوري، يللي ما بتعرفيه عن هالجيش، ما بنام ما بيروح بيشوف أهله، ممنوع يمرض كرمال مين كرمالنا نحنا أخواته وأهله وأمه هي الوطن يللي ممنوع حدا يزعلها".

وأضافت: "وجيشك يا عزيزتي تماماً بالأزمات نفس الشي بيعمل وقت انتي ترجعي آخر الليل من التصوير وتمرقي من جنب حاجز ويوقفك لثانيتين حفاظاً فقط على أمنك وأمانك، وكل جيوش العالم هيك بتقدم حالها وقت الشدة... وجيشنا صرلو ست سنوات وما يزيد وبعده صامد وشامخ، بستغرب منك تشبهي جيشنا بداعش.. بتعرفي شو يعني داعش!!.. صن لسانك.. يا أختي تصون نفسك، ولبنان وجيش لبنان ممنوع حد حتى بالورد يرميهم".

وختمت: "هيك علمتنا سوريا لغة الرقي بعز الوجع، الله يحفظ جيش لبنان وسوريا، الفنان صوت الشعب، كوني صورة وصوت لبلدك صح وانتقدي وقوي النقد لحد الجرح.. بس إذا جرحتي لا تدمي... عندك محبين كتير بسوريا ومستحيل حدا منن يطلب منك إذا دخلتي البلد يقلك طلعي منا وافرقينا بريحة طيبة.. مانا لغتنا.. صححي موقفك لأنو أحياناً تصرفاتنا بتجي عكس توقعاتنا..لا تخلي الغضب يتحكم فيكي.. أو إذا عم تمرقي بظروف صعبة تكون هيي عم تتحكم بتصرفاتك، وشكرا".