قضية الموقوفة في مخفر الدوير والتي تبلغ من العمر الـ 78 عاما تتناقلها وسائل التواصل الإجتماعي باستغراب واستهجان بالنظر الى القضية التي اوقفت بسببها مقارنة بما يحصل في لبنان من سرقات وتعديات وفساد، وشهدت مواقع التواصل الإجتماعي حالة استنكار كبيرة لتوقيف خديجة اسعد وحالة تهكم والسخرية من القضاء اللبناني الذي أمر بتوقيف خديجة اسعد .
وجاءت التعليقات على الشكل التالي :
 12 مليار اختفوا من خزينة الدولة، سرقات يومية بالملايين، فساد ومحسوبيات، لكن القضاء اللبناني بحكمته شاف ان امراة سبعينية عملت خيمة على سطح بيتها، اولى بالمحاسبة ..

بالنسبة لموضوع الحاجة خديجة سعد الموقوفة في مخفر الدوير بدي وضح هالكلمتين :
1.  جاري توكيل محامية لها صديقة و زميلة محترمة و انا ايضاً قبلت توكيلي بالوكالة ذاتها . 
2 . تم التواصل مع وسائل الاعلام للتسليط اليوم على الموضوع . 
3. الحاجة خديجة تطالب القضاء بمحاسبة كل مسؤول لم يقر ضمان الشيخوخة الذي يكرم العجزة بدلاً من اهانتهم . 
4 .  فلتكن صفحاتنا صرخة بوجه كل متخاذل و مقصر في عدم التدخل لحل هذه القضية . #متضامن

‫#الحرية_لخديجة_اسعد‬ ‬ ‫يا حجة بدي منك شغلة انتي و ب الحبس لما تفيقي ع صلاة الصبح ارفعي ايديك لفوق لعند رب العالمين وبلشي ادعي عليهم كلن ‬يعني كلن ما تستثني حدا لانه دعوة المظلوم ب السجن ما بتنرد ولو بعد حين
يا ريت الحجة يلي معها سرطان وب الحبس كانت يمنية او بحرانية كانوا جماعتنا اهتموا ب الموضوع وطلعوها #مريضة_سرطان_بالحبس
#مريضة_سرطان_بالحبس‬⁩‬ بكرا اذا ماتت بيجوا نوابنا العرصات ع العزاء وبيطرقونا محاضرة عن اهمية تضامن الشعب مع القضية وبخلص العزاء وبروح يتصور قاعد ع الارض جنب امه
في ختيارة عمرها ٧٨ سنة معها مرض السرطان محبوسة من يوم الاثنين بمخفر الدوير لانو ولادها عمرو خيمة عالسطح... يلعن كل شي... و هالمسؤلين وين لازم يكونو؟؟؟ #مريضة_سرطان_بالحبس

لا تواخذينا يا حجة خديجة اسعد ( 78عام )،،، نبيه بري مشغول بقانون الانتخابات والسيد حسن مشغول بالاسرى بفلسطين !!!! ... والقاضية غادة ابو خليل " انسانة " محترمة وبتطبق القانون ع الجميع !!!!! فالله يعينك تنامي كم يوم بعد بمغفر الدوير .....( يا عيب الشوم ع هالدولة الزفت )

ان الحجة خديجة اسعد تشكل خطرا على الامن القومي ببناء خيمة على سطح دارها

عمرها 78 سنة و عندها سرطان بالدم و موقوفة بالسجن بجرم مخالفة بناء ... مش عم برر تعمل جرم مهما كان عمرها ، بس الفكرة انه اغتصاب السلطة و ارادة الشعب و الصفقات و السمسرات والدين العام و فضائح الكهرباء و الغاز والتلزيمات و 11 مليار دولار موضوع كتاب الابراء المستحيل و ...و و و . كل هيدول وين العدالة منهم ؟ آااخ يا بلدي .... بالمناسبة ، عبالي انا اتبرع عنها بالمرافعة و المدافعة بس بكرا بقولوا عم يعمل دعاية ...