حزب الله عاملة حملة إعلانية عنوانا "ساهم بتجهيز مجاهد"، يعني إذا حابب تشارك بالحملة بتدفع مبلغ من المال كافي لشراء كل ما يلزم المقاتل، والحلو إنو طريق المطار متروس ترس من هالإعلان مع صورة مقاتل عم يعبي المخزن رصاص، وأكيد الدولة اللبنانية العلية ما علقت عالموضوع، وتتعاطى معه وكأنه أمر طبيعي وشرعي!!!! طيب فينا نعرف هالمجاهد بس يتجهز وين بدو يقاتل وضد مين وبأي بلد؟؟؟!!! بعدين، إذا قررت باقي الأحزاب تعمل متل حزب الله، يعني الأحزاب الدينية بطرابلس وعكار والبقاع  أطلقت حملة "تجهيز مجاهد" والحزب الاشتراكي بالجبل أطلق حملة "تجهيز مقاتل"  والأحزاب العلمانية أطلقت حملة "تجهيز مناضل"  والقوات اللبنانية أطلقت حملة "تجهيز مقاوم لبناني- #أوعا_خيك" والحزب القومي أطلق حملة "تجهيز نسر زوبعة".... الخ، (التيار العوني ما بيعمل هيك حملات، لأنو ما بحب يقاتل ولا بيعرف، هوي مكتفي بأكل الليمون والتصفيق لمقاتلي حزب الله).  عندئذ شو بتعمل دولتنا العلية بهيك حالة؟؟؟!!! بتلاحق كل الحملات وبتمنعا ما عدا حملة حزب الله، أو بتترك الكل يتجهز من باب المساواة؟؟؟!!!

#جمهورية_الموز تتحدى #جمهورية_الليمون