مثل الوزير جبران باسيل رئيس التيار الوطني رئيس الجمهورية العماد ميشال للمشاركة في مأتم العزاء بوالدة رئيس حزب القوات اللبنانية سمير جعجع يرافقه الوزيران بيار رفول وسيزار ابي خليل، والنائب ابراهيم كنعان.
انتقل الوفد إلى بشري مستخدما طائرة الرئاسة ما أثار عاصفة من التعليقات على مواقع التواصل الاجتماعي تراوحت بين التهكم والإنتقاد اللاذع لرئيس الجمهورية وأطلق رواد التواصل الاجتماعي هاشتاغ جمهورية الليمون .
عندي سؤال لمدير المراسم بالقصر الجمهوري: بس #ولد_الخارجية #جبران_باسيل بدو يستعير الطيارة الرئاسية تاع عمو، كيف بيطلب هالشي بروتوكولياً؟؟؟ بالمونة عالطيار لأنو في توصية من فخامتو إنو هيدا الولد ما بينرفضلو طلب، أو بفوت لعند عمو وبقلو: عمو عمو، فيي آخد الطيارة مشوار؟؟؟!!! #جمهورية_الليمون #عصر_أبو_صرة
بالحكي، قصر الشعب وسائر المشرق،
بالفعل، قصر الصهر وسائر العيلة والطيارة بدل السيارة وعمرو ما يكون في جمهورية !!!#جمهورية_الليمون
إذا #ولد_الخارجية #جبران_باسيل عم يتنقل داخل لبنان بالطيارة الرئاسية بحجة إنو هوي#صهر_الرئيس، فكيف إذا بكرا -لا سمح حزب الله- بيعمل رئيس جمهورية بفرد مرة؟؟؟ ساعتها بصير إذا بدو يطير مي، بطير من غرفة النوم عالحمام بالطيارة!!! #جمهورية_الليمون