شو بيطلع ع بالي كبّس بوابَك يا شتي
وإفتح شبابيك العمر
عَ المدى
عَ ضحكة طفل
عَ دفا بيتو من جمر
يترك بالموقدي حطبات
جنونها يرقص شي دهر
قولك الختيار لْ يومْها كزدر عَ النّهر
شو وشوش الوادي والزّهر؟
قالوا العصا نسي
ومن وقتها صار النّهر حكي
وكِبر النّدي
قولك شو قال؟
وهاك العصا
معقول بعدها شلّال؟
ايييه شو بيطلع ع بالي
لملم حبالي
وعَ غيم هالسّما
إنصب مراجيح
تفتّح شبابيك
وضحكة طفل
ترجع من جديد
تعلّي براج بهالسّما
تشتّي زهِر
وتربى ع بواب الشتي
فصول ما تعرف يا عمر
غير الرّبيع
غير الرّبيع...
شو بيطلع ع بالي كبّس بوابك يا شتي...