إليكم بعض الأمثلة عالسريع:

4.3 مليار ليرة نصوب وشتول للوزارات والإدارات، (إنو للمحافظة على لبنان الأخضر كرمال البريستيج مش اكتر).
11.1 مليار ليرة بدل أعياد وتمثيل، (إنو ليضلّ الجو ولعان والبسمة عا وجوهنا متل ما بتعرفوا).
2.1 مليار ليرة مساعدة لدعم مشروع تنفيذ مقررات مجلس الوزراء، (هيدي لأنن عتاق ومن ايام فخر الدين بركي).
1.025 مليار ليرة مساهمة الى هيئة رعاية شؤون الحجّ، (انو للتشجيع عالإيمان مش أكتر).
905 مليون ليرة للهيئة الوطنيّة لشؤون المرأة اللبنانيّة، (وكأنو باقي اللبنانيي عندن حقوق قال).
100 مليون ليرة للمجلس النسائي اللبناني (هيدا واضح وما بدّو مين يفسروا وبنفس الوقت بيربحوها جميلي).
18 مليار ليرة مساهمة في برنامج الأمم المتحدة الإنمائي (انو اه منيح).
2 مليار ليرة المجلس الاقتصادي والاجتماعي المتوقّف عن العمل، (بتعرفوا عليه مصاريف ولو واقف).

3.4 مليار ليرة مؤسسة إليسار المتوقفة عن العمل، (كمان مصاريف توقف عن العمل، واليسار من أهل البيت).
700 مليون ليرة مساهمات الى هيئات تُعنى بالقاصرات والقاصرين والمنحرفين، (هيدي حسّيت فيها وكأنو المسؤولين من جماعة الأم تيريزا).
15 مليار ليرة إيجار مبنى الإسكوا الذي تستفيد منه شركة سوليدير، (انو وين المشكل طالما سوليدير لبنانية؟).
500 مليون ليرة لجمعيّة “يدنا” (الله يبعتلها قطع يا رب).
13 مليار ليرة لمصلحة سكك الحديد والنقل المشترك وهي متوقفة عن العمل، (انو بركي شي نهار).

7.07 مليار ليرة للبريد، علماً أنّه تمّ تخصيصه، (بركي في شي مشروع يرجعوا يجيبوا بيسكلاتات وينشطوا هالقطاع، مين بيعرف؟).
1.2 مليار ليرة مساهمة من وزارة البيئة الى جمعيّات بيئيّة، (والزبالة والتلوث بكل شي آكلنا).
10 مليار ليرة لمشاريع الحماية من الانحراف وحماية الأحداث، (هيدي منيحة إذا بيوقف شبق السرقة).
165.7 مليار ليرة مساهمات وزارة الشؤون الاجتماعيّة للجمعيّات التي تعنى بشؤون اجتماعيّة وإنسانيّة وصحيّة، (ومعروفين مين المتسترين بالجمعيات المسماة خيرية، انما لا تعود بالخير الا عا جياب نسوان المسؤولين).

 ومنطالب بدعم من الدول الأجنبية وهيك!..