أعلن ملك جمال لبنان لعام 1997 غسان المولى، زوج الفنانة المصرية ايمي سالم عن انفصالهما عبر مواقع التواصل الاجتماعي.
وكتب المولى عبر حسابه الخاص على موقع التواصل الاجتماعي "فايسبوك": "أعلن انفصالي عن زوجتي وصديقتي وأم أولادي إيمي، الطلاق الشرعي وقع اليوم، وما توفِيقِي إِلَّا بِاللَّهِ عَلَيْهِ تَوَكَّلْتُ وَإِلَيْهِ أُنِيب". كذلك نشر صورة ممزقة لعروسين على "انستغرام" تؤكد الخبر.
بدورها، كتبت سالم تدوينة على "فايسبوك" قالت فيها: "احب أن اشكر الـ 412 Missed call اللي جولي في خلال ساعتين والـ 1293 message".
وأضافت: "كنت بفضل خبر انفصالي عن ابو اولادي ما يخدش الحجم الاوفر ده.. لا احنا اول ناس ولا آخر ناس ننفصل.. ومهما كان احنا عشرة عشر سنوات نتج عنها ثلاث صبيان اللي لسه ما يعرفوش خبر الانفصال في حين ان الوطن العربي كله عرف ودي حاجة مخلياني في غاية الاستياء".
وتابعت: "ارجو عدم التحدث في هذا الموضوع لان في مقولة بتقول ان البيوت اسرا.. بس واضح ان المقولة دي عمرها الافتراضي خلص، ومش من حق اي حد يعرف التفاصيل.. لانها المفروض حاجة شخصية (المفروض)"، مضيفة: "يا ريت الكلام يبقى علي قد اللي انا بكتبه وما يخدش حجم اكبر من حجمه لمصلحه الغير.. وما ننساش ان في اولاد في يوم من الايام هيقروا اي حاجة هتتكتب عن ابوهم وامهم.. فيا ريت نراعي ربنا في ده".
وختمت رسالتها: "سيظل غسان عشرة عمري وحبي الاول وابو احلى 3 أولاد. فيا ريت لا حد يآلف ولا يبتكر سيناريو لسبب الطلاق.. لانه في الاول وفي الاخر نصيب.. ومحدش عارف ربنا كاتب ايه، السوشيال ميديا نقمتها اكبر من نعمتها.. ويا ريت الناس تستخدمها في الاطار الصحيح لما صنعت له وليس لضرر الغير. وربنا يهديني ويهديه عشان خاطر الولاد قبل خاطرنا".
(الأنباء)